خوشخبری اس مرتبہ عید پر لمبی چھٹیاں ملیں گی عید الفطر کی تاریخ کی پیشن گوئی کر دی گئی
عید الفطر کی تاریخ کی پیشن گوئی کر دی گئی۔ تفصیلات کے مطابق متحدہ عرب امارات میں رہنے والے پاکستانیوں اور دیگر مسلمانوں کو خوشخبری سنائی گئی ہے۔ بتایا گیا ہے کہ قوی امکان ہے کہ عید الفطر پر امارات میں
ملازمت کرنے والے افراد کو 5 چھٹیاں ملیں گی حکومت کے احکامات کے مطابق عید الفطر کے سلسلے میں 29 رمضان المبارک سے 3 شوال تک تعطیلات دی جائیں گی، اور چونکہ رواں برس امارات میں 30 روزے ہونے کا امکان ہے، اس لیے ملازمت پیشہ افراد کو اکٹھی 5 چھٹیاں مل جائیں گی۔ بتایا گیا ہے کہ متحدہ عرب امارات میں ماہرین فلکیات کی پیشن گوئیوں کے مطابق رمضان المبارک کا آغاز 22 مارچ سے ہوگا، جبکہ امارات میں عید الفطر کی ممکنہ تاریخ کی پیشن گوئی بھی کی جا چکی۔ماہرین فلکیات کی رپورٹ کے مطابق امارات میں اس بار یکم شوال کا چاند 20 اپریل کو طلوع ہو گا تاہم یہ 21 کے روز ہی دکھائی دے گا۔ 21 کو چاند دیکھنے کی صورت میں متحدہ عرب امارات میں مقیم لاکھوں مسلان عید الفطر 22 اپریل 2023 کو منائیں گے۔ ماہرین فلکیات نے ناصرف عید الفطر، بلکہ عیدالضحیٰ اور حج کی تاریخوں کے حوالے سے بھی پیشن گوئی کی ہے